Ancelotti e konfirmon se Xabi Alonso do të jetë trajner i Real Madridit

Futboll

Gazeta Express

23/05/2025 13:51

Trajneri i Real Madridit, Carlo Ancelotti, ka konfirmuar se Xabi Alonso do ta pasojë atë në drejtimin e klubit pas kësaj fundjave, vetëm disa orë pasi “Los Blancos” zyrtarizuan largimin e tij.

Trajneri italian do të drejtojë për herë të fundit ekipin në “Santiago Bernabéu”, ku Real Sociedad do të jetë kundërshtari në javën e fundit të sezonit të La Ligës.

Alonso tashmë ka shpallur largimin e tij nga Bayer Leverkusen dhe do të prezantohet si trajner i ri i Real Madridit të hënën, pas një homazhi që do t’i bëhet Ancelottit dhe Luka Modric të shtunën.

Më parë, Ancelotti e ka përshkruar punën e Alonsos te Leverkusen si “të jashtëzakonshme”, dhe e ka mbështetur sërish atë në konferencën e fundit për shtyp para ndeshjes.

I pyetur nëse kishte ndonjë këshillë për trajnerin e ri, Ancelotti konfirmoi se bëhet fjalë për Alonson:

“Nuk dua të jap këshilla sepse secili ka idenë e vet për futbollin. Të jesh trajner i Real Madridit është një bekim. Xabi është i pari – ai është një trajner që i ka të gjitha cilësitë për të drejtuar këtë klub dhe këtë skuadër, dhe i uroj gjithë fatin e botës. Shpresoj që ta shijojë.”