Çitaku: Kosova, peng e kryeneçësisë së Albin Kurtit

Lajme

Gazeta Express

23/05/2025 11:28

Nënkryetarja e PDK-së, Vlora Çitaku, pas dështimit të seancës së sotme të Kuvendit të Kosovës tha se Kosova është duke u mbajtur peng e kryeneçësisë së kryetarit të Vetëvendosjes, Albin Kurti.

Ajo tha se partia e saj është e gatshme të hapë rrugë, duke ofruar alternativat e tyre.

“103 ditë të humbura për Kosovën, 103 ditë pa i adresuar hallet e qytetarëve të Kosovës. PDK vazhdon të jetë konstruktive. Ne jemi të gatshëm çdo moment që të hapim rrugë, kemi ofruar alternativat tona. Mirëpo, Kosova po mbahet peng e kryeneçësisë së Albin Kurtit. Bëjmë ftesë për reflektim që të ecim tutje”, tha ajo.

Sot ka dështuar edhe tentativa e 20-të për konstituim të Kuvendit të Republikës së Kosovës./Express/