Capello paralajmëron Italinë: Kroacia kundërshtar i rrezikshëm

Sport

Gazeta Express

22/06/2024 12:06

Ish-trajneri Fabio Capello paralajmëron se Kroacia janë kundërshtari më i vështirë e më i rrezikshëm për Italinë në “EURO 2024”.

Italia po bëhet gati për ndeshjen e fundit të fazës së grupeve, pas humbjes 1-0 nga Spanja të enjten.

Një fitore ose barazim ndaj Kroacisë të hënën do të jetë e mjaftueshme për t’u kualifikuar në 1/8 e finales, dhe Spalletti po ashtu po konsideron disa ndryshime në 11-shën startuese.

“Kualifikimi për 1/8 e finales është një pikë larg dhe ndeshja ndaj Kroacisë do të na dhuron një mundësi për shpëtim. Ne mund të reagojmë”, ka shkruar Capello në kolumnën e tij për “Gazzeta dello Sport”.

Ai shkruajti po ashtu edhe për ndeshjen ndaj Spanjës dhe aftësinë teknike të kombëtares spanjolle.

“Italia dukej e lodhur sepse kundërshtari dukej superior në çdo gjë”, vazhdon Capello.

“Ata kishin posedim të topit të hatashëm; e lëviznin topin me shpejtësi dhe kishin kualitet në çdo rol. Ishte një mësim për Italinë, por ne duhet të dijmë vlerën e kundërshtarit. Ky ekip i Spanjës është në rend të parë për të fituar Europianin”, vazhdoi më tutje trajneri italian.

Edhe Luka Modric po ashtu e ka paralajmëruar Italinë se kombëtarja e tij do të luajë pa frikë të hënën dhe Capello po ashtu e ndjen të njëjtën gjë.

“Shumë e shohin ekipin si në perëndim të saj. A e dini se çka shoh unë? Kampionë me shpinë të kthyer kah muri”, tha ai.

“Kundërshtari më i papërshtatshëm. Rreziku kryesor vjen nga mesi i fushës. Modric, Brozovic, Kovacic. Ata nuk janë më të shpejtë sa spanjollët, por janë të barabartë teknikisht. Kjo është pse ne na duhet një komëtare që mëson nga gabimet e bëra ndaj Spanjës. Një grup i bashkuar dhe i fokusuar”, përfundoi Capello./GazetaExpress/