Bardh Krasniqi emërohet Drejtor i Sportit në Prishtinë

Sporte tjera

Gazeta Express

22/02/2024 14:26

Bardh Krasniqi është emëruar drejtor i ri i Sportit në Prishtinë.

Kryetari i Komunës së Prishtinës, Përparim Rama e ka prezantuar sot drejtorin e ri përmes një postimi në rrjetet sociale, shkruan “Gazeta Express”.

Krasniqi, dikur basketbollist, njëherësh i biri i trajnerit të basketbollit, Blerim Krasniqi, do ta pasojë të larguarin Granit Rugova, i cili dha dorëheqje nga posti i drejtorit të sportit në kryeqytet pas prishjes së koalicionit mes LDK-së dhe PDK-së në kryeqytet.

Më poshtë mund ta shihni postimin e të parit të kryeqytetit. /Gazeta Express/