Priyanka Chopra zyrtarizon padashje lidhjen e re të kunatit, Joe Jonas

Yjet

Gazeta Express

24/01/2024 21:15

Çfarë fotografie?

Priyanka Chopra postoi – dhe më pas e fshiu shpejt – një foto nga pushimet që duket se po kalon bashkë me kunatin e saj Joe Jonas dhe të dashurën e tij të re, Stormi Bree.

Fotoja, e cila u shfaq në Instagram e Priyankas të hënën, tregonte katër duar me gota shampanje në një restorant.

Njëra dorë në foto kishte të njëjtin tatuazh që modelja ka në dorën e saj të djathtë, i cili ka mjaftuar për të bindur fansat se Chopra dhe bashkëshorti Nick Jonas po kalonin kohë me çiftin e ri.

Joe dhe Bree ndezën thashethemet për lidhje kur u fotografuan duke mbërritur në aeroportin në Cabo San Lucas, Meksikë, në fillim të këtij muaji. Të nesërmen, ata u panë në atë për darkë në shoqërinë e njëri-tjetrit.

Menjëherë pas kësaj, një burim dha detaje për lidhjen e tyre për ‘Us Weekly’, duke thënë se këngëtari po “shijonte”  kohë me modelen. “Prioriteti dhe fokusi i tij kryesor do të jenë gjithmonë fëmijët e tij,” shtoi burimi i brendshëm, “por në të njëjtën kohë, është i hapur për atë që do të vijë”.

Dyshja konfirmuan se ishin në të njëjtin vend kur të dy postuan pamje nga malet e mbuluara me dëborë në mediat sociale. Fansat madje vunë në një selfie të Bree të njëjtin kapuç që kishte veshur Joe gjatë një nate në Londër javë më parë.

Të dy u përfolën fillimisht për romancë rreth katër muaj pasi anëtari i Jonas Brothers bëri kërkesë për divorc nga Sophie Turner pas katër vitesh martesë.