Kush po kërkon filma porno në Kryedioqezën e Këlnit?

Lajme

Gazeta Express

21/08/2023 9:10

Nuk është e ndaluar shikimi i përmbajtjeve pornografike, edhe sipas ligjit të kishës. Por sipas ligjit laik, dënohet nëse është e ashtuquajtura pornografi e fëmijëve – pra abuzimi me fëmijët.

Kjo është arsyeja pse çështja po trajtohet nga prokuroria në Kryedioqezën e madhe dhe të pasur të Këlnit. Gjegjësisht, ajo kryepeshkopatë konfirmoi se ka mbledhur të dhëna për përpjekjet për të hyrë në faqet me përmbajtje të dhunshme ose pornografike nga kompjuterët zyrtarë.

Siç thonë ata, ato faqe nuk janë hapur nga kompjuterët e biznesit – sepse ka një filtër të instaluar që e pengon një gjë të tillë.

Mediat zbuluan se ka vërtet arsye për të dyshuar për pornografi të fëmijëve dhe se në mesin e personave të raportuar janë edhe klerikë të rangut të lartë.

Është e panevojshme të thuhet, kryepeshkopata njoftoi se njeriu i parë i saj, kardinali Rainer Maria Velky, nuk ishte në mesin e atyre që kërkuan përmbajtje pornografike.

Në kërkim të videove me adoleshentë

Prokuroria në Këln e pyetur nga mediat tha se ka informacione dhe po i kontrollon, por për momentin nuk ka dyshim të arsyeshëm se dikush ka kryer vepër penale. Kjo do të thotë, se ai donte të aksesonte pornografinë e fëmijëve.

Megjithatë, gazeta lokale Kellner Stadt-Anzeiger ka akses në një listë të punonjësve të kryepeshkopatës që dyshohet se u përpoqën të hynin në pornografi. Gazeta pretendon se në listë është edhe një punonjës, zyra dhe shtëpia e të cilit janë kontrolluar nga policia këtë verë, me dyshimin për posedim të pornografisë së fëmijëve.

Këtu bëhet pikante – pse kryepeshkopata ia dorëzoi listën prokurorisë vetëm tani, pra pasi një bastisje tashmë ishte bërë?

Gazeta zbulon gjithashtu se kompjuteri i kryepeshkopatës u kërkua për terma të tillë si “pornografi e re” ose “adoleshente”, duke ngritur dyshime se dikush po kërkonte posaçërisht video të dhunës seksuale ndaj fëmijëve.

“Ata predikojnë ujë, pinë verë”

Përveç përgjegjësisë së mundshme penale, po diskutohen sërish standardet e dyfishta. Pornografia në Kishën Katolike konsiderohet si një shthurje që një “zemër e pastër” shmang, siç tha Papa Françesku.

Joachim Frank, kryekorrespondent i Kellner Staat-Anzeiger, thotë se lista e marrë nga redaksia e tij përmban edhe emrat e klerikëve “të rangut të lartë”. “Më shumë se një mijë” kërkime “kryesisht” nga domeni i pornografisë u bllokuan.

Frank, një gazetar që studioi teologji, thotë se kjo është pjesë e problemit të madh të Kishës Katolike. “A nuk është ky rasti i predikimit të ujit dhe i pirjes së verës?” pyeti ai veten.