Euroligë/ Monaco fiton bindshëm ndaj Barcelonës në ndeshjen për vendin e tretë

Sport

Gazeta Express

21/05/2023 17:41

Monaco e ka fituar ndeshjen për vendin e tretë në Euroligë.

Skuadra franceze në ndeshjen për medaljet e bronzta e mposhti Barcelonën, shkruan Gazeta Express.

Ndeshja e zhvilluar sot në “Zalgirio Arena” përfundoi me rezultatin 78:66.

Matthew Strazel me 14 pikë ishte më i dalluari në fitoren e Monacos.

Te Barcelona u dallua Nikola Mirotic me 15 pikë.

Kujtojmë se sonte, në ora 19:00, do të zhvillohet finalja e madhe e këtij sezoni në Euroligë, mes Olympiacosit dhe Real Madridit.

Edhe kjo ndeshje, ashtu si ndeshjet tjera të fazës së “Play-Offit”, do të zhvillohet në Kaunas të Lituanisë. /Gazeta Express/