Instagrami i Luizit i kalon në pronësi produksionit të Big Brother VIP Albania

Rozë

Gazeta Express

24/03/2023 7:57

Prej ditësh është zhvilluar një ‘betejë’ për të fituar të drejtat autoriale të llogarisë në Instagram të Luiz Ejllit.

Këngëtari i cili për rrugëtimin dhe lojën e tij në Big Brother VIP Albania po konsiderohet fenomen, brenda një kohe të shkurtët arriti një numër të madh ndjekësish teksa aktualisht ka 644 mijë të tillë.

Por, së fundmi emri i llogarisë së tij u ndryshua nga ‘Luiz Ejlli’ në ‘Ina Ejlli’, që është motra e tij, më pas për disa orë faqja u ‘zhduk’ për t’u rikthyer me një ndryshim tjetër.

Në llogarinë e artisti shkodran në Instagram nuk figuronte asnjë postim, ndërsa dje është konfirmuar se kjo faqe tashmë i takon produkisonit të BBVA, saktësisht televizionit Top Channel.

Këtë e ka konfirmuar kunati i Luizit, Sokol Tahiri në një postimi në llogarinë e tij personale në Instagram.

Ai tha faqja që menaxhohej nga shoqja dhe motra e Luizit, tani të drejtat autoriale për të i kanë kaluar Top Channel-it.