Hendbollistët e Rahovecit motivohen me këngë patriotike para ndeshjes në Çeki

Sport

Gazeta Express

05/11/2022 19:33

KH Rahoveci sonte do të zhvillojë ndeshjen e kthimit në kuadër të raundit të dytë të EHF European Cup.

Skuadra kosovare do të luajë ndaj HCB Karvina në Çeki, shkruan Gazeta Express.

Ndeshja do të zhvillohet nga ora 20:00, teksa klubi i Rahovecit ka publikuar një video në “Facebook” para fillimit të ndeshjes.

“Kështu motivohen lojtarët para fillimit të lojës në Çeki. HAJDE RAHOVEC”, thuhet në mbishkrim, teksa hendbollistët u shfaqen duke u motivuar me këngën e njohur të Arif Vladit, “Jam Kosova e Shqiptarisë”.

Kujtojmë se ndeshja e parë e zhvilluar në “Mizahir Isma” ishte fituar nga çekët me rezultatin 29:33. /Gazeta Express/