Ndërpritet ndeshja Peja – Trepça, mitrovicasit lëshojnë palestrën “Karagaçi”

Sport

Gazeta Express

15/05/2022 19:15

Është ndërprerë ndeshja mes Pejës dhe Trepçës, pasi ekipi mitrovicas është larguar nga palestra “Karagaçi”.

Mitrovicasit janë duke u ankuar për siguri dhe kjo është arsyeja e largimit të ekipit, shkruan Gazeta Express.

Peja dhe Trepça janë duke e zhvilluar ndeshjen e tretë gjysmëfinale në kuadër të fazës së “Play-Off”-it.

69:66 në të mirë të pejanëve ishte rezultati kur ndeshja u ndërpre.

Për t’u zhvilluar kanë mbetur edhe 26 sekonda. /Gazeta Express/