Bailly drejt Tottenhamit

Futboll

Gazeta Express

25/11/2021 16:20

Futbollisti i Manchester Unitedit mund të transferohet në Londër në afatin kalimtar të janarit. Atë e do trajneri i ri i “Spurs”, Antonio Conte

Eric Bailly mund të largohet nga Manchester United në afatin kalimtar të janarit.

27 vjeçari megjithatë pritet ta vazhdojë karrierën në Premierligë.

Mediumi britanik “The Sun” raporton se qendërmbrojtësi po pëlqehet nga Tottenhami.

Atë e do mbi të gjitha trajneri i ri i “Spurs”, Antonio Conte, përcjell “Gazeta Express”.

Me Varanen e Maguiren në qendër të mbrojtjes, Bailly nuk do të ketë mundësi të luajë rregullisht.

Prandaj, futbollisti nga Bregu i Fildishtë mund t’i bëjë valixhet gati dhe të lëvizë drejt Londrës në fillim të vitit 2022. /Gazeta Express/