Pacolli e priti legjendën e boksit Luan Krasniqi, bashkë me miqtë e tij Ejupi e Maqastena

Sporte tjera

Gazeta Express

29/09/2021 15:20

Kryetari i Aleancës Kosova e Re (AKR), Behgjet Pacolli i ka bërë konak në shtëpinë e tij legjendës së boksit shqiptar, Luan Krasniqi.

Politikani dhe biznesmeni i njohur kosovar e ka bërë një postim në rrjetet sociale, duke i kujtuar sukseset e jashtëzakonshme që i kishte arritur boksieri junikas në boksin profesionist.

Krasniqi ishte i shoqëruar nga miqtë e tij, presidenti i FC Prishtina, Remzi Ejupi dhe nga zyrtari i këtij klubi, Fikret Maqastena.

“Mbrëmë pata nderin të pres në shtepinë time mikun tim Luan Krasniqin,(me Remziun dhe Fikretin) njeriun që shumë, shumë herë na bëri krenarë me fitoret e tij në arenat ndërkombëtare të boksit”, ka shkruar Pacolli. /Gazeta Express/