Arben Vitia vaksinohet me vaksinën AstraZeneca kundër COVID-19

Lajme

Gazeta Express

08/07/2021 11:17

Ministri i Shëndetësisë, Arben Vitia është vaksinuar sot kundër COVID-19.

Vitia ka marrë dozën e parë të vaksinës AstraZeneca në sallën “1 Tetori” në Prishtinë.

Vitia ka ftuar edhe qytetarët tjerë që të vaksinohen kundër COVID-19 me vaksinën AstraZeneca, duke deklaruar se ajo është e certifikuar dhe e sigurtë.

Ndërsa, kujtojmë që Ministria e Shëndetësisë tashmë ka marrë vendim që qytetarët të vaksinohen me dozën e parë të vaksinës AstraZeneca.

Të gjithë ata që kanë dashur të vaksinohen me vaksinën e Pfizer, janë kthyer dje prapa pa u vaksinuar.

Vaksina Pfizer do t’u jepet vetëm atyre që kanë marrë dozën e parë të kësaj vaksine.