“Alarm” te Portugalia, Cancelo del pozitiv me koronavirus, zëvendësohet nga futbollisti i Milanit

Gazeta Express

13/06/2021 11:28

Futbollisti i Kombëtares së Portugalisë, Joao Cancelo ka rezultuar pozitiv me koronavirus, raportojnë mediat botërore.

Kësisoj, Cancelo nuk do të jetë i gatshëm të ndihmojë kombëtaren e tij, përcjell Gazeta Express.

Ai do të zëvendësohet nga futbollisti i Milanit, Diogo Dalot i cili është ftuar në reprezentacionin e Portugalisë.

Kjo është goditje e rëndë për ta, marrë parasysh faktin se gjenden në “grupin e vdekjes” bashkë me Francën, Gjermaninë dhe Hungarinë. /Gazeta Express/