Kosova e para në botë me vdekje nga COVID-19 në 1 milion banorë

Gazeta Express

13/08/2020 10:58

Themeluesi dhe drejtori i Institutit për Hulumtime “Scripps”, Eric Topol, i cili është edhe profesor i mjekësisë molekulare, në llogarinë e tij zyrtare në Twitter ka publikuar një tabelë, në të cilën janë paraqitur të dhënat për rastet e vdekjeve nga COVID-19 nëpër botë.

Sipas tabelës, Kosova renditet e para për raste të vdekjeve nga COVID-19 për 1 milion banorë, e ndjekur nga Peru, Bolivia, Meksika dhe Panamaja.

Kosova për numrin e vdekjeve në 1 milion banorë e ka lënë prapa edhe Amerikën e cila renditet në vendin e 9-të.

Today marks 16 weekdays in a row with the US > 1,000 covid deaths.
The USA ranks #9 in the world for deaths/million people, the only industrialized nation on the list
1. Kosovo
2. Peru
3. Bolivia
4. Mexico
5. Panama
6. Brazil
7. Montenegro
8. Bosnia pic.twitter.com/9hsygMP9I6

— Eric Topol (@EricTopol) August 11, 2020

Në tabelën e publikuar nga profesori amerikan janë të dhënat deri në datën 11 gusht 2020.

Pavarësisht kësaj, numri i rasteve të vdekjeve nga COVID në Kosovë ka qenë i lartë edhe në të dhënat e publikuara dje nga IKSHP, ku ishin gjithsej brenda 24 orëve 11 persona të vdekur.

Që nga fillimi i pandemisë në Kosovë kanë vdekur gjithsej 365 persona.

Numri total i personave të infektuar është 10 mijë e 795 nga 42 mijë e 136 sa janë testuar.

Sipas të dhënave të IKSHP-së deri më 12 gusht janë shëruar 6 mijë e 411 persona derisa mbeten aktiv edhe 4 mijë e 19.

Numri i personave të infektuar me COVID-19 dhe i rasteve të vdekjes është rritur ndjeshëm në Kosovë pas vendimeve të institucioneve për heqjen e kufizimeve. /GazetaExpress/