Tri vdekje nga COVID-19 në Drenas, imami del me një apel për qytetarët

Gazeta Express

11/08/2020 11:22

Imami i Drenasit, Osman Musliu, ka bërë me dije se vetëm sot janë regjistruar tri raste të vdekjeve në këtë komunë, raporton Express

Përmes një postimi në llogarinë e tij në Facebook, Musliu u ka bërë thirrje qytetarëve për kujdes.

“Vetëm sot tri raste vdekje me COVID19 ne xhematin tim te xhamisë Drenas, kujdes…O MILET se skam çka foli per HYQYMET…”, ka shkruar Musliu.

Ndryshe, që nga fillimi i pandemisë e deri sot janë konfirmuar mbi 10 mijë raste pozitive me COVID-19, me gjithsej 341 raste të vdekjeve, të cilët kanë pasur edhe sëmundje të tjera shoqëruese. /Gazeta Express