Beyonce vishet nga kreatorët e njohur shqiptarë edhe në projektin më të ri që sapo e publikoi

Gazeta Express

03/08/2020 10:01

Mbretëresha e muzikës pop, Beyonce, pak ditë më parë prezantoi filmin e saj “Black is King”.

Me këngë të fuqishme dhe performancë të mahnitshme në formën e një albumi vizual, krijuesja e hitit “Run the World (Girls)” bëri një rrëfim të veçantë, ku mes tjerash trajtoi historinë e njerëzve me ngjyrë dhe traditës afrikane.

Në projektin madhështor, ajo ka bashkuar forcat sërish me stilistët shqiptarë “Kujta & Meri” – teksa kjo nuk është hera e parë

Këta të fundit përmes një postimi të ndarë në Instagram treguan se si ishte kjo eksperiencë për ta.

“Aspak i lehtë, por shumë motivues ka qenë rrugëtimi për krijimin e disa veshjeve të filmit të shkurtër të Beyonces “Black is King”. Pamja e divës me “Kujta & Meri” ka qenë deri tani perla më e çmuar që kemi prekur dhe krijuar me duart tona të palodhshme”.

“Beyonce ti do të jesh motivimi ynë i pafund në krijimin e artit dhe avancimin e talentit tonë përtej oqeanit. Krijimtaria jonë në shërbimin tënd është dëshmia jonë më e madhe! I adhurojmë njerëzit si ty”, kanë shkruar ata.

View this post on Instagram

@beyonce in @kujtameri Thank you @zerinaakers ♥️ ! Not easy, but highly motivating, has been the journey to creating some pieces of Beyonce’s ‘Black is King’ short movie. The Diva’s look in Kujta & Meri has been, by far, the most precious gem we have touched and created by our tireless hands. @beyonce , you will be our endless motivation in creating art and furthering our talent across the ocean. Our creativity at your service is our greatest testimony! I adore people like you! #kujtameri #beyonce

A post shared by Kujta & Meri (@kujtameri) on Aug 1, 2020 at 5:26am PDT

Beyonce nuk ka bashkëpunuar vetëm me Kujtën dhe Merin, ajo më herët ka veshur edhe krijimet e Valdrin Sahitit.