Momente nga rrëzimi i frikshëm i Marc Marquez

Gazeta Express

19/07/2020 17:18

Marc Marquez është detyruar që të tërhiqet në garën për Çmimin e Madh të Spanjës, i pari për këtë botëror të Moto GP.

Marquez u rrëzua katër xhiro nga fundi dhe pas përplasjes së frikshme dhe lëndimeve që mori, nuk mund të vazhdonte më.

Piloti spanjoll i Hondas u pa qartë se ishte dëmtuar seriozisht në krah.

Gjendja fizike e kampionit në fuqi të botës do të monitorohet në orët e ardhshme.

Marquez u bë protagonist i një rikuperimi të pabesueshëm, teksa ishte nisur nga vendet e fundit duke u katapultuar deri në të tretin para se të rrëzohej.

Në fund, Fabio Quartararo fitoi Çmimin e Madh të Spanjës. /Gazeta Express/