Lidhja e Shkrimtarëve të Kosovës ka njoftuar se ka marrë vendim për themelimin e çmimit të ri letrar, në emrin e shkrimtarit, politikanit e atdhetarit Adem Demaçi.
Sipas njoftimit për media, ky çmim do të jepet çdo vit, më 5 mars, në akademinë letrare-artistike “Ora e Lirisë”.
Ky çmim do të jepet për krijimin më të mirë të paraqitur në këtë veprimtari të LSHK-së, që organizohet në kuadër të Ditës së Dëshmorëve të Lirisë.