Andrew Gordon do të jetë pjesë e KB Trepçës për së paku edhe një tjetër sezon.
Klubi mitrovicas ka njoftuar këtë të hënë për arritjen e marrëveshjes me lojtarin, shkruan Gazeta Express.
Gordon ishte njëri nga basketbollistët më të dalluar te mitrovicasit në sezonin e fundit.
Qendra amerikane me Trepçën e fitoi trofeun e Kupës së Kosovës, teksa arritën edhe deri në finale të “Play-Off”-it në Superligë.
Trepça synon të fitojë trofe edhe në sezonin e ardhshëm. Përveç tani me Gordonin, me “Xehetarët” më herët kanë rinovuar edhe Drilon Hajrizi, Amin Hot, Samir Zekiqi e Valdrin Haxhiu.
Përforcimet tjera të Trepçës janë: Erjon Kastrati, Mikaile Tmusic, Jahsim Floyd dhe Clevon Brown. /Gazeta Express/