Zyberaj: Osmani e Konjufca e falendëruan Pacollin pasi doli lajmi, s’ka pasur bashkëpunim për njohjen nga Kenia

Lajme

Gazeta Express

26/03/2025 17:16

Këshilltari i Behgjet Pacollit, Jetlir Zyberaj, ka folur në FRONTAL të T7 për njohjen e pavarësisë së Kosovës nga shteti i Kenias, shkruan Express.

Zyberaj ka thënë se s’ka pasur koordinim mes Pacollit dhe krerëve të shtetit në marrjen e kësaj njohje nga Kenia, megjithatë thotë se presidentja Osmani dhe kryekuvendari Konjufca e kanë telefonuar Pacollin për ta falënderuar për këtë njohje.

“Kosova ka njerëz me potencial të madh, ndoshta jo aq të madh sa e ka z. Pacolli, s’kemi pasur kontakt. Zonja Osmani dhe z. Konjufca e kanë kontaktuar pas lajmit.S’kemi pasur thirrje për bashkëpunim në të mirë të vendit.Ishte për ta falënderuar angazhimin e z. Pacolli”, ka thënë Zyberaj, shkruan Express.

Ai ka paralajmëruar që do të ketë edhe njohje të tjera të reja.

“Do të kemi edhe njohje të reja, absolutisht po”, ka deklaruar Zyberaj./Express/