Zvicra në frikë, humbje të mëdha vendesh pune nga tarifat e Trump

Lajme

Gazeta Express

09/08/2025 12:01

Zvicra po vazhdon bisedimet me SHBA-në për uljen e tarifave, tha qeveria të premten, ndërsa ekonomistët paralajmëruan se disa industri mund të përballen me humbje të mëdha vendesh pune për shkak të tarifave prej 39% të vendosura nga SHBA-të mbi importet zvicerane.

Bisedimet në Uashington, në të cilat po merr pjesë Helene Budliger Artieda, drejtoreshë e Zyrës së Çështjeve Ekonomike të DASH, vijnë pasi një nga tarifat më të mëdha të vendosura ndaj një vendi nga Presidenti Donald Trump hyri në fuqi të enjten.

Përpjekjet e fundit nga delegacioni zviceran, i udhëhequr nga Presidentja Karin Keller-Sutter, nuk dhanë një marrëveshje më të favorshme.

Sekretariati nuk publikoi detaje të bisedimeve ku Zvicra mund t’u ofronte SHBA-ve lëshime në këmbim të uljes së tarifave.

Ekonomisti Hans Gersbach nga Instituti KOF në Universitetin e Cyrihut vlerësoi se 7,500 deri në 15,000 vende pune mund të humbasin për shkak të tarifave.

“Pasojat mund të jenë të rënda në industri të tilla si prodhimi i orëve, makinerive dhe instrumenteve precize. Nëse preket edhe industria farmaceutike, këto shifra do të jenë edhe më të larta”, tha ai.

Sektori i gjerë farmaceutik i Zvicrës, i cili përfshin kompani të tilla si Roche dhe Novartis, përbën gjysmën e eksporteve të Zvicrës në SHBA dhe aktualisht nuk i nënshtrohet tarifave të Amerikës.