Zveçan: Gjenden tri armë të fshehura në një gyp në pyll

Lajme

Gazeta Express

02/09/2025 20:11

Janë gjetur tri armë të fshehura në një gyp në një pyll në fshatin Junake të komunës së Zveçanit.

Kështu ka bërë të ditur për Gazetën Express, zëvendësdrejtori i Policisë së Kosovës për rajonin e veriut, Veton Elshani i cili tha se nuk ka të arrestuar.

“Në fshatin Junake, Komuna Zveçan rreth orës 15.00 Njësiti i Ndërhyrjes së Shpejtë i Policisë kufitare ka gjetur në një gyp të fshehura në pyll tri armë, një pushkë gjysëmautomatike, dy pushkë gjuetie dhe fishekë për të njëjtat”.

“Njësiti i Hetimeve Rajonale, njësiti për trajtimin e mjteve eksploduese kanë dal në vend të ngjarjes dhe kanë konfiskuar të njëjtat. Nuk ka të arrestuar”, tha ai.