Zjarri në pallatin 8 katësh në Tiranë, disa të lënduar, mes tyre nëna me dy fëmijë

Shqiperi

Gazeta Express

26/01/2025 9:00

Katër persona kanë mbetur të lënduar nga zjarri që shpërtheu në garazhin nëntokë të Kompleksit Kika, në Komunën e Parisit në Tiranë.

Mes të lënduarve janë një nënë dhe dy fëmijët e saj që kanë pësuar djegie. Ata janë dërguar për trajtim mjekësor dhe gjendja e tyre raportohet jashtë rrezikut për jetën. Gjithashtu, një e moshuar ka pësuar lëndime pasi u rrëzua gjatë evakuimit dhe po merr trajtim mjekësor.

Zjarri, që dogji tre automjete, u vu nën kontroll pas ndërhyrjes së shpejtë të zjarrfikësve. Dyshohet se shkëndija elektrike mund të ketë shkaktuar zjarrin.