Zjarri në ndërtesën në Prishtinë, policia: Disa persona janë duke u trajtuar nga ekipet mjekësore

Lajme

Gazeta Express

16/01/2025 19:53

Disa persona po trajtohen nga ekipet mjekësore, kryesisht nga probleme të shkaktuara nga tymi si pasojë e zjarrit që kaploi një ndërtesë në Emshir të Prishtinës. Aktualisht po vazhdon evakuimi i banorëve të ndërtesës.

Këtë informacion e dha për Gazetën Express zëdhënësja e policisë për rajonin e Prishtinës, Flora Ahmeti.

“Sot rreth orës 18:40, kemi pranuar informatën për një incident zjarri në një ndërtesë në lagjen Emshir në Prishtinë. Menjëherë në vendin e ngjarjes kanë dalë policia dhe zjarrfikësit të cilët po merren me rastin. Derisa po vazhdon evakuimi banorëve të ndërtesës, bazuar në të dhënat e deritanishme disa persona janë duke u trajtuar nga ekipet mjekësore, kryesisht probleme që janë shkaktuar nga tymi”, tha Ahmeti për Express.

Në linkun më poshtë mund të shihni pamje nga vendi i ngjarjes.

PAMJE