Zjarr në traversat e hekurudhës Fier-Vlorë, qyteti mbulohet nga tymi

Shqiperi

Gazeta Express

23/08/2025 16:26

Një sasi e konsiderueshme traversash druri, të përdorura për linjën hekurudhore Fier–Vlorë, është përfshirë nga flakët ditën e sotme.

Zjarri ka shkaktuar shtëllunga të dendura tymi që kanë mbuluar qytetin e Fierit dhe zonat përreth.

Për shkak të përmbajtjes së vajit që kanë traversat, djegia e tyre ka prodhuar re të zeza tymi që duken nga larg. Ende nuk dihen shkaqet e zjarrit, por burime paraprake dyshojnë se mund të bëhet fjalë për zjarrvënie të qëllimshme.

Në vendngjarje po punojnë dy mjete dhe ekipi i repartit zjarrfikës të Fierit, të cilët po përpiqen të vendosin nën kontroll flakët dhe të ndalojnë përhapjen e tyre përgjatë linjës hekurudhore.