Zgjedhjet në Shqipëri, numërohen 94% e kutive, si ndahen votat

Shqiperi

Gazeta Express

13/05/2025 9:55

Procesi i numërimit të votave për zgjedhjet parlamentare të 11 majit ne Shqipëri po shkon drejt fundit. Deri në orën 08:40 të mëngjesit të sotëm, Komisioni Qendror i Zgjedhjeve ka bërë me dije se janë numëruar 4943 nga 5225 qendra votimi, që përfaqësojnë mbi 94% të totalit në 12 zonat zgjedhore të vendit.

Sipas të dhënave paraprake të publikuara në faqen zyrtare të KQZ-së, Partia Socialiste kryeson me 684,941 vota, ose 52.08% të totalit, duke ruajtur një epërsi të dukshme ndaj Partisë Demokratike dhe aleatëve të saj në koalicionin PD-ASHM, të cilët kanë siguruar 453,668 vota, ose 34.50%.

Ndërkohë, partitë e tjera më të votuara janë:

• Partia Socialdemokrate (PSD) me 45,613 vota (3.47%)
• Nisma “Shqipëria Bëhet” me 45,897 vota (3.49%)
• Partia Mundësia me 38,689 vota (2.94%)