Zgjedhjet në Shqipëri, lista me 10 kandidatët më të votuar, vetëm dy nga PD

Shqiperi

Gazeta Express

15/05/2025 21:21

Të dhënat paraprake nga numërimi i votave në zgjedhjet e 11 majit në Shqipëri tregojnë se 8 nga 10 kandidatët më të votuar në rang kombëtar vijnë nga radhët e Partisë Socialiste, ndërsa 2 janë kandidatë nga Partia Demokratike.

Më shumë vota ka marrë Sara Mile, kandidate e PS-së në Qarkun e Elbasanit, me 18,626 vota. Pas saj renditet Arkend Balla në Durrës me 18,439 vota.

Në listë janë përfshirë edhe dy kandidatë të PD-së, Jorida Tabaku dhe Ilir Alimehmeti, të dy në Qarkun e Tiranës. Megjithatë, ndonëse Alimehmeti ka grumbulluar 12,685 vota, nuk rezulton mes kandidatëve fitues sipas renditjes përfundimtare të mandateve.

Lista e 10 kandidatëve më të votuar:

1. Sara Mile – 18,626 vota (PS, Elbasan)
2. Arkend Balla – 18,439 vota (PS, Durrës)
3. Blendi Gonxhja – 17,443 vota (PS, Tiranë)
4. Ceno Klosi – 16,261 vota (PS, Fier)
5. Ervin Hoxha – 14,421 vota (PS, Tiranë)
6. Erion Braçe – 13,938 vota (PS, Tiranë)
7. Jorida Tabaku – 13,747 vota (PD, Tiranë)
8. Ilir Alimehmeti – 12,685 vota (PD, Tiranë)
9. Agron Malaj – 12,616 vota (PS, Dibër)
10. Klevis Jahaj – 12,559 vota (PS, Fier)