Zgjedhjet/ Kolegji Zgjedhor rrëzon ankesat e PD për Lezhën, Gjirokastrën dhe Kukësin, pritet vendimi për Korçën

Shqiperi

Gazeta Express

18/06/2025 14:25

Procesi i ankesave të Partisë Demokratike për zgjedhjet e 11 majit ka hyrë në fazën përfundimtare. Pas vendimeve të Komisionit Qendror të Zgjedhjeve (KQZ) dhe Komisionit të Ankimimeve dhe Sanksioneve (KAS), çështjet janë kaluar për shqyrtim në Kolegjin Zgjedhor, shkalla e tretë dhe e fundit në këtë proces.

PD dhe aleatët e saj kërkojnë pavlefshmëri dhe përsëritje të zgjedhjeve në disa qarqe, duke pretenduar manipulime dhe përdorimin e skemës së njohur si “treni bullgar”.

Sot u shqyrtua ankesa për qarkun Lezhë. Pas disa orësh debat mes palëve, Kolegji Zgjedhor vendosi ta rrëzojë kërkesën, duke e cilësuar të pambështetur në prova.

Po gjatë ditës u hodhën poshtë edhe ankesat për qarqet Gjirokastër dhe Kukës. Ndërkohë, pritet vendimi për ankesën e paraqitur për qarkun e Korçës.