Kryetari i Këshillit Kombëtar të PD, Edi Paloka ka njoftuar mbledhjen e rradhës së këtij organi, ditën e premte për të zhvilluar zgjedhje të tjera sa u takon disa prej pozicioneve drejtuese brenda partisë Demokratike.
Njoftim për mbledhjen e Këshillit Kombëtar të Partisë Demokratike!
Ditën e premte, më datë 3 qershor, ora 17.00, do të mblidhet Këshilli Kombëtar i PD.
Në rend të ditës do të jenë zgjedhjet në disa funksione drejtuese të PD dhe ngritja e institucioneve të tjera sipas përcaktimit në Statutin e PD.
Edi Paloka
Kryetar i Këshillit Kombëtar të PD
Kujtojmë se ditën e sotme u mbajtën zgjedhjet për anëtarët e kryesisë së PD, ku nga 47 emra të propozuar 20 prej tyre u zgjodhën si anëtarë.