Zëvendëspresidenti amerikan i shkon për vizitë Viktor Orbanint pak ditë para zgjedhjeve

Lajme

Gazeta Express

03/04/2026 12:43

Zëvendëspresidenti i SHBA-së, JD Vance, do të udhëtojë për në Budapest të martën dhe të mërkurën për bisedime me Kryeministrin Viktor Orbán, vetëm disa ditë para zgjedhjeve të përgjithshme të 12 prillit, ku Orbán përballet me sfidën më të madhe opozitare në 16 vitet e fundit.

Sipas Shtëpisë së Bardhë, Vance do të zhvillojë bisedime me Orbán dhe do të mbajë një fjalim mbi “partneritetin e pasur midis Shteteve të Bashkuara dhe Hungarisë”, raporton Euronews.

Zgjedhjet e 12 prillit priten të jenë vendimtare, pasi partia opozitare Tisza, e udhëhequr nga Péter Magyar, kryeson në sondazhet ndaj partisë Fidesz të Orbán.

Administrata e Trump-it ka mbështetur hapur politikën konservatore dhe anti-imigracion të Orbán. Në shkurt, Presidenti Donald Trump e mbështeti publikisht kryeministrin hungarez, duke shkruar: “Unë e mbështeta me krenari Viktor-in në zgjedhjet e 2022 dhe është nder ta bëj përsëri.”

Trump ka një histori mbështetjeje aktive për aleatët e tij konservatorë. Ai ka mbështetur politikanë të djathtë si Sanae Takaichi në Japoni dhe Javier Milei në Argjentinë, të cilët të dy dolën fitues në zgjedhjet e tyre.