Zemaj takon përfaqësuesin e SHBA në NATO, diskutojnë për çështjet urgjente të sigurisë në rajon dhe stabilitetin e Kosovës

Lajme

Gazeta Express

27/02/2025 16:49

Ambasadori i Kosovës për raporte me NATO-n, Astrit Zemaj, ka njoftuar sot se është takuar në Bruksel me Përfaqësuesin e Përhershëm të SHBA-së në NATO, Scott Oudkirk, raporton Express.

Zemaj ka thënë se kanë pasur një bisedë të thellë, ku kanë folur për çështjet urgjente që lidhen me sigurinë e Ballkanit Perëndimor dhe për mënyrat e thellimit të bashkëpunimit për një paqe afatgjate, siguri dhe stabilitet në Kosovë dhe rajon.

“Trajtuam shqetësimet urgjente të sigurisë në Ballkanin Perëndimor, diskutuam mënyrat për të thelluar bashkëpunimin tonë dhe i dhamë përparësi paqes, sigurisë dhe stabilitetit të qëndrueshëm në Kosovë dhe rajon”, ka shkruar Zemaj.

Grateful for today’s insightful conversation with🇺🇸Perm.Rep. Oudkirk at @USNATO,where we addressed pressing security concerns in the Western Balkans, discussed ways to deepen our cooperation,& prioritized lasting peace,security & stability in 🇽🇰 #Kosovo & the region. 🇽🇰🤝🇺🇸. pic.twitter.com/Gv0BMA1G3C

— Ambassador Astrit Zemaj (@AstritZemaj) February 27, 2025