Zelensky thotë se dokumenti mbi garancitë e sigurisë është ‘i përfunduar’ pas takimit me SHBA-në

Lajme

Gazeta Express

22/01/2026 18:22

Presidenti ukrainas Volodymyr  Zelensky ka folur me gazetarët në Davos dhe thotë se një dokument me SHBA-në që merret me çështjen e garancive të sigurisë për Ukrainën është “i përfunduar”.

Në një bisedë sot me ekipin amerikan, ku përfshihej edhe Trump, ai thotë se ata ranë dakord për një dokument mbi garancitë e sigurisë, ka raportuar BBC, transmeton Gazeta Express.

Ai thotë “ne duhet ta nënshkruajmë”, por “kjo do të ndodhë vetëm pasi të ndalet lufta”.

I pyetur nëse ka arritur një marrëveshje mbi garancitë e sigurisë, Zelensky thotë jo, ata “kanë përfunduar me dokumentin” dhe tani duhet të “nënshkruhet nga palët, nga presidentët dhe pastaj do të shkojë në parlamentet kombëtare”.