Zafir Berisha koordinator nacional, Shpend Ahmeti shkruan për njohjen e "natyrës së brendshme" - Gazeta Express

Zafir Berisha koordinator nacional, Shpend Ahmeti shkruan për njohjen e “natyrës së brendshme”

Lajme

Gazeta Express

21/09/2020 17:44

Shpend Ahmeti është tallur pak me emërimin e Zafir Berishës si koordinator nacional.

Zyrtari i Nismës, Zafir Berisha, është emëruar nga Qeveria si koordinator Nacional për Siguri Kibernetike.

Kryetari i Prishtinës, Shpend Ahmeti, e ka komentuar me një fjali të thjeshtë emërimin e Berishës si koordinator.

Këtë ai e ka shoqëruar një thënie të shkrimtarit amerikan, Benjamin Hoff.

“Kur e njeh dhe e respekton brendësinë tënde, ti e di se cilit vend i takon. Gjithashtu, ti e di edhe cilit nuk i takon”.

Ndryshe, katër persona janë emëruar sot në pozitën e koordinatorëve nacional nga Ministri i Punëve të Brendshme, raporton Gazeta Express.

Në këtë njoftim thuhet se Veliu ka emëruar në këto pozita zëvendësministrat e MPB’së.

“Ministri i Ministrisë së  Punëve të Brendshme, Agim Veliu, në bazë të kompetencave dhe përgjegjësive  që ka, sot ka emëruar në cilësinë e koordinatorëve nacional, zëvendës ministrat e MPB-së për strategjitë e përcaktuara si më poshtë: Për detyrat dhe përgjegjësitë e Koordinatorit Nacional kundër krimit të organizuar, Koordinatorit Nacional për parandalimin e krimit dhe Koordinatorit Nacional për kontrollin e armëve të vogla, të lehta dhe eksplozivëve është autorizuar zëvendësministri i MPB-së, z. Agron Bacaj.  Po ashtu, ministri Veliu emëroi zëvendësministrin Zafir Berisha, të ushtrojë detyrat dhe përgjegjësitë Koordinatorit Nacional për siguri kibernetike dhe të Koordinatorit Nacional për menaxhimin e emergjencave. Ndërsa, zëvendësministri Milan Radojevic është emëruar  Koordinator Nacional kundër narkotikëve, Koordinator Nacional për siguri në bashkësi dhe  Koordinator Nacional kundër trafikimit me njerëz. Zëvendësministri Yildiray Bajram është autorizuar nga ministri Veliu të ushtrojë detyrat dhe përgjegjësitë e Koordinatorit Nacional për menaxhim të integruar të kufirit dhe Koordinatorit Nacional për ri-integrim dhe riatdhesim të personave si dhe të Koordinatorit Nacional për migrim”, thuhet në njoftim.