Zaev: Grupet e punës do t’i shqyrtojnë rekomandimet e Komisionit të Venecias

Gazeta Express

13/12/2019 15:34

Në bazë të grupeve të punës do të shqyrtohen të gjitha modalitetet se si të zbatohet rekomandimi i Komisionit të Venecias për Ligjin për Përdorimin e Gjuhëve, deklaroi sot kryeministri Zoran Zaev.

“Tashmë iu është dhënë profesionistëve në Qeveri dhe në pjesën e gjyqësorit, sepse bëhet fjalë për ligje prej dy të tretave të cilat nuk mund të shmangen me shumicë të thjeshtë. Është shumë me rëndësi që drejtësia të vlejë njëjtë për të gjithë dhe të mos shmanget çfarëdo lloj procesi me cilëndo të drejtë që është mundësuar”, tha Zaevi duke u përgjigjur në pyetjen e gazetarëve në konferencën për shtyp për zgjerimin e bulevardit “Nikolla Karev”.