Mbrojtësi i Newcastle dhe ekipit kombëtar të SHBA-së, DeAndre Yedlin, thotë se babagjyshi i tij ndihet i lumtur që ai nuk jeton në Amerikë tani për tani, sepse ndryshe do të druhej për jetën e nipit të vet si një afro-amerikan i ri.
Protesta të shumta dhe të dhunshme janë duke u mbajtur në SHBA dhe në gjithë botën pasi George Floyd u vra javën e kaluar nga një polic, transmeton Gazeta Express.
Floyd, një afro-amerikan, vdiq më 25 maj pasi polici Derek Chauvin e shtypi me gju në qafë për disa minuta.
Chauvin, nga policia e Minneapolis, është përjashtuar nga puna dhe ndaj tij është ngritur akuzë për vrasje të shkalles së tretë.
Yedlin, nga Seattle, i zhvendos në Angli pasi iu bashkua Tottenhamit më 2015.
26-vjeçari thotë se nuk mund ta heqë nga mendja mesazhin telefonik të gjyshit.
Duke shkruar në Twitter, Yedlin, i cili iu bashkua Newcastle më 2016, tha: “Dy ditë pas vdekjes së George Fyold, gjyshi im më shkroi mesazh dhe më tha se ndihet i lumtur që unë nuk po jetoj në SHBA tani, sepse do të druhej për jetën time si afro-amerikan i ri. Pavarësisht kalimit të ditëve, mesazhi i gjyshit tim nuk më hiqet nga mendja”.
/Gazeta Express/
A couple days after George Floyd’s death, my grandfather texted me and told me he’s glad that I am not living in the U.S. right now because he would fear for my life as a young black man. As days have passed, this text from my grandfather has not been able to leave my mind.
— DeAndre Yedlin (@yedlinny) June 2, 2020
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...