Ylli i Man Utd, në radar të Barcelonës

Futboll

Gazeta Express

04/10/2022 8:27

Marcus Rashford po e shijon rikthimin në formë këtë sezon edhe pse Manchester Unitedit nuk po i ecin punët dhe aq mirë.

Për këtë arsye, ai mund ta shqyrtojë mundësinë që të transferohet në Barcelonë.

Lajmin e ka bërë të ditur mediumi spanjoll “Sport”, përcjell “Gazeta Express”.

Përfaqësuesi anglez është bërë qendër e spekulimeve për një kalim eventual në “Camp Nou”.

Gjithnjë sipas mediumit spanjoll, Rashford ua ka bërë me dije drejtuesve të klubit nga “Old Trafford” se dëshiron ta provojë një sfidë të re.

Mbetet të shihet nëse “Blaugrana” do ta bëjnë lëvizjen finale për sulmuesin gjatë verës që vitit të ardhshëm. /Gazeta Express/