Kapiteni i Juventusit, Giorgio Chiellini, thotë se nuk habitet nga forma e mirë e Interit, duke argumentuar se ka pritur nga skuadra e Antonio Contes ta sfidojë Juven në garë për titull në Serie A.
Juventusi është i dyti në Serie A, një pikë mbrapa Interit të ringjallur nga ish-lojtari dhe trajneri i Juves, por Chiellini këmbëngul se nuk është i befasuar, transmeton Gazeta Express.
“Interi nuk më befason fare”, tha Chiellini për Sky Sport Italia.
“E njoh Conten dhe lojtarët e tij. Kam pritur që kjo të ndodhte shumë kohë më parë”, shtoi ai.
Juventusi do të luajë kundër Lazios në udhëtim në Serie A këtë javë, ndërsa Interi e pret Romën në shtëpi të premten. /Gazeta Express/