Xhensila duket tjetër vajzë me këtë pamje

Yjet

Gazeta Express

13/11/2022 23:22

Xhensila Myrtezaj është një këngëtare shumë e pëlqyer nga publiku dhe këngët e saj numërojnë miliona klikime vetëm pak ditë pas publikimit.

Pas një pauze prej pak muajsh Xhensila vendosi që të kthehet me dy projekte të reja muzikore, një solo të quajtur ‘Ale ale’ dhe një në bashkëpunim me producentin Elgit Doda.

Para pak ditësh Xhensila na ka treguar se shumë shpejt do të vij me një projekt të ri muzikor, i cili do të jetë një bashkëpunim me artistin Kidda. Vetëm pak më parë këngëtarja ka zbuluar ‘look-un’ e saj në klipin e këngës së re dhe mund të themi se është shumë ndryshe nga çdo herë tjetër.

Xhensila ka postuar disa foto në Instagramin e saj, ku shfaqet me flokë të gjata dhe kaçurela të theksuara dhe një stil shumë veror.

E ftuar në ‘Më lër të flas” këngëtarja na foli pak më shumë për vajzën e saj të vogë Ajka dhe u shpreh se ndjenja e mëmësisë është një ndjenjë që do të donte të ndodhte dhe njëherë.

Do sjellim dhe fëmijë të tjerë. Ajka është bashkëpunimi më i bukur që kam bërë me Besin. I ka ngjarë shumë Besit nga karakteri. Ajka është shumë ekspresive dhe këndon duke bërë humor. Le të bëhet në jetë çfarë e bën atë të lumtur.