Xabi Alonso i ka gati tre përforcimet e para te Real Madridi, përveç Trent Alexander-Arnoldit

Futboll

Gazeta Express

09/05/2025 17:19

Xabi Alonso pritet të marrë drejtimin e Real Madridit dhe, sipas raportimeve të fundit, tashmë ka vendosur për tre përforcimet e tij të para.

Verën e kaluar, ish-mesfushori i Spanjës ishte i lidhur me klube si Real Madrid, Liverpool dhe Bayern Munich. Megjithatë, ai zgjodhi të qëndrojë te Bayer Leverkusen dhe e udhëhoqi klubin drejt titullit të Bundesligës.

Me afrimin e verës, shumë media kanë raportuar se Alonso do të largohet nga Leverkusen dhe do të pasojë Carlo Ancelottin në stolin e Real Madridit.

Gazetari i Sky Sports Germany, Florian Plettenberg, shkroi në rrjete sociale:

“LAJM I FUNDIT EKSKLUZIV | Tani është zyrtare dhe e vendosur: Xabi Alonso ka informuar Bayer Leverkusen se do të largohet nga klubi në fund të sezonit. Ai pritet të bashkohet me Real Madridin! Alonso mund ta shpallë vetë këtë sot në konferencën për shtyp.”

Vetë Alonso e konfirmoi largimin të premten në një konferencë për shtyp:

“Klubi dhe unë kemi rënë dakord që këto dy ndeshje të fundit do të jenë të fundit për mua si trajner i Bayer Leverkusen.”

Në prag të afatit kalimtar të verës, thuhet se Alonso ka identifikuar tre pozita për t’i përforcuar te Real Madridi: një mbrojtës i majtë, një qendërmbrojtës dhe një mesfushor.

Pas vendimit të Trent Alexander-Arnold për t’u larguar nga Liverpooli, thuhet se ai mund t’i bashkohet Real Madridit si një përforcim i madh në krahun e djathtë të mbrojtjes.

Sipas të përditshmes spanjolle MARCA, një nga objektivat kryesorë të Alonso-s për qendër të mbrojtjes është talenti i Bournemouth-it, Dean Huijsen, i cili ka pasur një sezon mbresëlënës në Premier League. Huijsen është lidhur gjithashtu me Liverpool, Arsenal, Chelsea dhe Manchester United.

Real Madridi nuk ka pasur një sezon të suksesshëm deri më tani, pasi u eliminua nga Liga e Kampionëve në çerekfinale nga Arsenali. Ndërkohë, në La Liga ndodhen katër pikë prapa Barcelonës, me një përballje vendimtare që i pret këtë fundjavë. /GazetaExpress/