Witkoff dhe Kushner do të takohen me kryeministrin e Katarit

Lajme

Gazeta Express

30/06/2026 13:20

I dërguari i posaçëm i presidentit Donald Trump, Steve Witkoff, dhe dhëndri i tij, Jared Kushner, pritet të takohen sot në Doha me kryeministrin e Katarit, Sheikh Mohammed bin Abdulrahman bin Jassim Al-Thani, si dhe me ndërmjetës të tjerë, tha për CNN një zyrtar i Shtëpisë së Bardhë.

Delegacionet nga SHBA-ja dhe Irani pritet të marrin pjesë veçmas nesër në bisedime teknike me ndërmjetës nga Katari dhe Pakistani, shtoi zyrtari.

Detajet e negociatave bëhen të ditura në një kohë kur Washingtoni dhe Teherani kanë dhënë sinjale të përziera nëse do të zhvillojnë bisedime të drejtpërdrejta në shtetin e Gjirit.