Warren Buffett bën lëvizje surprizuese, blen 5 milionë dollarë aksione të The New York Times

Lajme

Gazeta Express

19/02/2026 7:16

Warren Buffett, investitori i njohur amerikan, ka bërë një lëvizje surprizuese duke blerë 5 milionë aksione të gazetës historike amerikane The New York Times, me vlerë rreth 370 milionë dollarë. Kjo tregon se Buffett beson përsëri tek mediat tradicionale, por jo thjesht tek gazeta e shtypur, por për modelin e saj të ri digjital dhe abonimet që sigurojnë të ardhura të qëndrueshme.

Për shumë vite, Buffett ka parë investimet në media si strategjike kur bëhet fjalë për marka me besueshmëri dhe që kanë lexues të shumtë. Megjithatë, në vitin 2020, kompania e tij Berkshire Hathaway kishte shitur të gjitha gazetat, përfshirë edhe Buffalo News, duke dalë nga ky sektor. Rikthimi në “The New York Times” nuk është nostalgjik, por një betejë strategjike për një kompani që po transformohet me sukses online.

Sot, The New York Times nuk është thjesht një gazetë. Ajo ka platforma digjitale, newsletter-e, podcast-e dhe aplikacione të ndryshme, me abonime online që sigurojnë të ardhura të qëndrueshme. Kjo përputhet me filozofinë e Buffett-it: të investosh në kompani që kanë avantazh të qëndrueshëm dhe mund të përshtaten me ndryshimet e tregut.

Kjo lëvizje ndodh në një kohë ndryshimesh të mëdha për Berkshire Hathaway. Kompania tani drejtohet nga Greg Abel, pasardhësi i zgjedhur nga Buffett. Në muajt e fundit ka pasur edhe largime nga menaxhmenti, duke përfshirë Todd Combs dhe Marc Hamburg. Përveç rikthimit tek gazetat, Berkshire ka rritur pjesëmarrjen në Domino’s Pizza dhe Chevron, dhe ka krijuar një pozicion të ri në Liberty Live Holdings, aksioner i pjesshëm i Live Nation.

Në fund, sinjali më i rëndësishëm mbetet rikthimi i Buffett te mediat, duke treguar një besim të rinovuar në markat e mëdha editoriale dhe në kompanitë që dinë të përballojnë ndryshimet e tregut.