Vushtrriasi i infektuar me COVID-19 del për shëtitje në shesh, kapet nga policia

Gazeta Express

12/08/2020 13:24

Një qytetar nga Vushtrria, i cili ka rezultuar pozitiv me koronavirus, ka dalë në qytet duke i rrezikuar të tjerët

Policia ka njoftuar se rasti ka ndodhur mbrëmjen e së martës në sheshin “Hasan Prishtina” në Vushtrri.

“I dyshuari mashkull kosovar i cili ka rezultuar pozitiv me Covid-19 nuk kishte respektuar vendimin për vetizolim dhe kishte dalë”, thuhet në raportin 24-orësh të policisë.

Po ashtu, është bërë e ditur se me urdhër të prokurorit ndaj të dyshuarit është iniciuar lënda e rastit e cila procedohet në procedurë të rregullt.