Vuçiq pas qëndrimit në Kinë: Pres ndihmë nga presidenti Xi edhe për çështjen e Kosovës

Lajme

Gazeta Express

04/09/2025 11:56

Presidenti i Serbisë, Aleksaner Vucic, po mban një konferencë për media pas kthimit nga qëndrimi në Kinë bashkë me shumë lider të shteteve të tjera, përfshirë edhe Kim Jong Un-in e Koresë së Veriut dhe Vladimir Putinin.

Vuçiq ka folur për një takim “shumë të përzemërt” me presidentin kinez Xi Jinping, derisa ka thënë se pret përkrahjen e tij edhe për çështje të ndryshme politike, përfshirë temën e Republikës së Kosovës.

 “Kërkova investime shtesë dhe punësim shtesë për popullin tonë. Presidenti Xi më informoi se ata do të vazhdojnë të punojnë në projekte të tjera dhe se Serbia, si një vend shumë miqësor, mund të presë mbështetje dhe ndihmë të mëtejshme nga Republika Popullore e Kinës. Mund ta presim këtë edhe për çështje të ndryshme politike, nga Kosova, integriteti territorial i vendit tonë. Takimi ishte, do të thoja, shumë i përzemërt”, ka thënë Vuçiç.