Vuçiq mori pjesë në samitin Ukrainë -Evropë Juglindore, refuzon ta nënshkruaj deklaratën që e dënon agresion rus

Gazeta Express

11/06/2025 22:07

Presidenti miqësor ndaj Rusisë i Serbisë, Aleksandar Vuçiq, bëri një vizitë të papritur në Ukrainë të mërkurën për një samit mbi forcimin e mbështetjes evropiane për luftën e Kievit kundër agresionit rus, por ai refuzoi të nënshkruante një deklaratë të përbashkët që bënte thirrje për sanksione më të ashpra kundër Moskës, raporton WashingtonPost.

Serbia, e cila mbështetet pothuajse plotësisht te Rusia për furnizimet e saj me energji, ka refuzuar t’u bashkohet sanksioneve perëndimore ndaj Rusisë.

Ishte vizita e parë e Presidentit Aleksandar Vuçiç në Ukrainë që nga marrja e detyrës më shumë se një dekadë më parë. Ai mori pjesë në samitin midis Ukrainës dhe 12 shteteve të Evropës Juglindore në Odesa.

Ndërsa tha se dëshiron që Serbia të bashkohet me Bashkimin Evropian, Vuçiç ka mbajtur marrëdhënie të ngushta me Rusinë. Ai sfidoi paralajmërimet e BE-së dhe mori pjesë në paradën e Ditës së Fitores së Rusisë në Moskë më 9 maj. Zyrtarët e BE thanë se ishte e papërshtatshme që Vuçiç të qëndronte krah për krah me Presidentin Vladimir Putin, duke pasur parasysh pushtimin e Ukrainës nga Moska.

Vuçiç u tha mediave serbe të mërkurën se nënshkrimi i deklaratës “anti-ruse” nuk ishte “i lehtë dhe i thjeshtë për ne” dhe ai abstenoi.

“Por dua të shpreh edhe një herë mirënjohjen time të plotë ndaj Presidentit (Volodymyr) Zelenskyy për mikpritjen e jashtëzakonshme këtu në Odessa”, shtoi Vuçiç.