Vritet me armë zjarri 61-vjeçari në Shkodër, shkak konflikti për pronat - Gazeta Express
string(70) "vritet-me-arme-zjarri-61-vjecari-ne-shkoder-shkak-konflikti-per-pronat"

Shqiperi

Gazeta Express

29/08/2025 8:33

Vritet me armë zjarri 61-vjeçari në Shkodër, shkak konflikti për pronat

Shqiperi

Gazeta Express

29/08/2025 8:33

Një ngjarje tragjike ka tronditur mbrëmjen e djeshme fshatin Abat, në njësinë administrative Shalë të Shkodrës, ku është ekzekutuar me armë zjarri 61-vjeçari Piro Prroni. Autori i dyshuar i krimit është Ndoc Maçaj, i cili, përveç se ka lidhje farefisnie me viktimën, është kushëri i tij.

Krimi ka shpërthyer si pasojë e një konflikti mbi pronën, pasi ditët e fundit në zonë ka nisur procesi i matjes dhe pajisjes me certifikata pronësie. Të dy palët kishin pretendime mbi të njëjtën pronë, çka ka sjellë përplasje dhe përfundimisht përdorimin e armës nga Ndoc Maçaj, duke shkaktuar vdekjen e Piro Prronit.

Pasi ka kryer krimin, autori është larguar menjëherë nga vendi i ngjarjes. Policia e Shkodrës ka reaguar menjëherë duke dërguar një numër të madh forcash dhe një grup hetimor në vendngjarje për të zbardhur plotësisht rrethanat e ngjarjes. Për të ndaluar autorin, janë ngritur postoblloqe në rrugën që lidh Shkodrën me Dukagjinin.