Pogradec: Vrau 52-vjeçaren në banesën e saj dhe më pas i vuri flakën, policia zbardh ngjarjen e rëndë - Gazeta Express
string(90) "vrau-52-vjecaren-ne-banesen-e-saj-dhe-me-pas-i-vuri-flaken-policia-zbardh-ngjarjen-e-rende"

Lajme

Gazeta Express

29/07/2025 10:33

Pogradec: Vrau 52-vjeçaren në banesën e saj dhe më pas i vuri flakën, policia zbardh ngjarjen e rëndë

Lajme

Gazeta Express

29/07/2025 10:33

Policia e Pogradecit ka zbardhur rrethanat dhe autorësinë e ngjarjes së rëndë të ndodhur dje, në Pogradec, ku një 31-vjeçar vrau me thikë një 52-vjeçare në banesën e saj, dhe më pas i vuri zjarrin banesës.

Fillimisht, ngjarja u raportua si aksidentale pasi u dyshua se 52-vjeçarja kishte humbur jetën nga asfiksia gjatë djegies së banesës së saj.

Shërbimet e policisë, gjatë veprimeve hetimore dhe këqyrjes së jashtme të trupit të pajetë, kanë krijuar dyshime se shkaku i humbjes së jetës së 52-vjeçares nuk ishte asfiksia, sepse në trupin e saj konstatuan dëmtime të dyshuara të shkaktuara me thikë.

Në vijim të veprimeve të thelluara hetimore, të kryera në drejtimin e Prokurorisë e Korçës, bazuar dhe në pamjet filmike, është bërë i mundur identifikimi i autorit të dyshuar të ngjarjes, shtetasit I. S., 31 vjeç, banues në Pogradec, i cili dyshohet se ka patur lidhje intime me 52-vjeçaren, prej 3 vjetësh.

Shtetasi I. S. dyshohet se ka vrarë me thikë, shtetasen K. T., 52 vjeçe, i ka vënë zjarrin banesës së saj dhe është larguar nga banesa, rreth orës 05:00.

Në përfundim të veprimeve është arrestuar në flagrancë shtetasi I. S., 31 vjeç, banues në Pogradec, për veprën penale “Vrasja për shkak të marrëdhënieve familjare”.