Vrasja e 21-vjeçares, avokatja Gashi-Bytyqi: Kodi Penal thotë se dorasi duhet dënuar me burgim të përjetshëm - Gazeta Express
string(106) "vrasja-e-21-vjecares-avokatja-gashi-bytyqi-kodi-penal-thote-se-dorasi-duhet-denuar-me-burgim-te-perjetshem"

Vrasja e 21-vjeçares, avokatja Gashi-Bytyqi: Kodi Penal thotë se dorasi duhet dënuar me burgim të përjetshëm

Lajme

Gazeta Express

12/04/2024 23:59

Avokatja Fehmije Gashi-Bytyqi ka folur për rastin e vrasjes së 21-vjeçares të premten pasdite në Qendrën për Punë Sociale në Ferizaj, ku tha se vrasja e grave nga bashkëshortët e tyre tashmë është bërë dukuri dhe se vetëm format janë ato që po ndryshojnë.

Gashi-Bytyqi tha se i gjithë shteti duhet që të mobilizohet në mënyrë që dënimet të jenë më të ashpra dhe të ketë masa preventive në parandalimin e këtyre rasteve.

Lexo Edhe:

“Kodi Penal i Kosovës e precizon se vrasja e bashkëshortes, pavarësisht rrethanës se a kanë qenë në procedurë divorci apo jo, duhet të ndëshkohet me burgimin maksimal, i cili është burgim i përjetshëm”, tha Gashi-Bytyqi për Klan Kosova.

Këtë të premte në Qendrën për Punë Sociale në Ferizaj një burrë i moshës 36 vjeçare e ka vrarë ish-bashkëshorten e tij 21-vjeçe dhe e ka plagosur vëllanë e viktimës, i cili ishte 15 vjeç.

E gjithë ngjarja, sipas policisë, raportohet të ketë ndodhur rreth orës 14:40, ndërsa i dyshuari është arrestuar rreth orës 15:15.