Vozit me mbi 160 kilometra në orë, i riu filmon veten duke u rrokullisur me veturë

Gazeta Express

13/01/2020 14:36

Kenneth Hofler, 23-vjeç, nga Konektikati i SHBA-së, ka filmuar veten duke vozitur veturën nëpër autostradën I-95, dhe duke mos hezituar t’i japë sa më shumë gaz

Sipas videos së publikuar më poshtë, ai po lëvizte me shpejtësi prej mbi 160 kilometra në orë dhe vazhdimisht e filmonte orën që tregon kilometrazhin, transmeton Telegrafi.

Megjithatë, edhe pse patrulla e policisë e kishte regjistruar në radar se po lëvizte me 164 kilometra në orë, ata nuk patën nevojë t’i vihen pas për ta kapur.

Derisa tentoi të kthejë veturën në anën djathtë, duke se shpejtësia e madhe dhe e papërshtatshme për kthesë bëri që mjeti t’i rrokullisej dhe gjithë kjo ngjarje rrëqethëse të filmohet nga kamera që ishte vendosur brenda.

Për fat të mirë ky i ri nuk ka pësuar ndonjë lëndim serioz, ndërsa pas bastisjes së veturës, policia ka gjetur rreth 30 gramë marihuanë.