Voton kandidati socialist në Mat, Altin Bojni: Sot dita e fjalës së lirë, dilni votoni

Shqiperi

Gazeta Express

09/11/2025 15:02

Kandidati i Partisë Socialiste për Bashkinë e Matit, Altin Bojni, pasi ka ushtruar të drejtën e votës, u ka bërë thirrje qytetarëve të marrin pjesë masivisht në zgjedhje. Ai e cilësoi ditën e sotme si një moment të rëndësishëm për të ardhmen e bashkisë dhe apeloi për një proces të qetë e dinjitoz.

Altin Bojni: Sot është një ditë shumë e rëndësishme për të ardhmen e bashkisë tonë. E diela është dita e votuesve, dita e vendimit, dita e fjalës së qytetarëve. Ju ftoj të dilni të gjithëve në votime me qetësi dhe dinjitet.

Procesi i votmit në bashkinë e Matit ka nisur në orën 07:00. Në këto zgjedhje kanë të drejtë vote sipas listës së zgjedhjeve të fundit parlamentare 26,700 qytetar, ndërsa pritet që të marrin pjesë rreth 50%.